Kabhi Nazron He.....

Kabhi nazron he mein mohabbat ke jazbaat padh liye jate the

aur meethi si muskurahat se he ikraar kar diye jate the

Kaagaz par utarte the phir dil ke bheege ehsaas

aur chaand se baante jate the apne yaar ke haal chaal

Hawaon ke sang bheje jate the ishq ke meethe paigam

aur haya mein lipte rehte the mohabbat ke surkh nishaan

Apne pyar ko nibhana bhi tab ek reet hoti thi

us zamane ki mohabbat bhi kya khoob hoti thi!

Bas Ek Tha Khwaab.....

Bas ek tha khwaab uss khwaab mein the aap

aap ke sath the hum har ghadi har pal

Sab kuch bahut sunehra tha na jana tha

aage dukhon ka pehra tha,

Hum lafzon se kuch keh na sake

aur is ankahe pyar ko aap samajh na sake

Aap ne thaam liya kisi aur ka hath

hum khamosh se taraste reh gaye aap ka sath,

Aaj bhi is dil mein ek khwaab basta hai

aap khush rahein apne pyar ke sath yehi aas rakhta hai

Khayalon Ko Bunkar.....

Khayalon ko bunkar ek sapna sanjoya

uss sapne mein ek pyare se shakhs ko piroya

Usse pirote he sapno mein rang bhar gaye

aur uske zindagi mein aate he lamhe khushiyon se bhar gaye

Kaun kehta hai ki sapne kabhi poore nahi hote

gar pyaar ki dor sang ho to wo kabhi adhure nahi hote

Hum Yun Hee.....

Hum yun hee tumse mohabbat nahi karte
kuch toh chahat hai tumhari baaton mein,
Ek arsaa hua tumse mile par tumhari yaadein
ab bhi dhadkti hai meri sanson mein,
Uss pal ka humein besabri se intezar rahega
jiss pal tu hamare samne hoga,
Hum khamosh rehkar dekhenge hamari iss
ankahi mohabbat ka kya tujhe ehsaas hoga?

Poochha Hai Tumne.....

Poochha hai tumne kai baar ki dil mein hamare kya hai raaz
humne apne dil se poochha ki ku nahi unhe hum par aitbaar,
Dil ne Muskura kar kaha -
Wo jaante hai ki tumhe unse mohabbat hai
maine nahi kaha ab tak ye meri sharaafat hai.

Apni Palkon Mein.....

Apni palkon mein tera har khwaab sajaya hai
har gham ko tere apne dil mein chhupaya hai,
Tu pochhta hai kya rishta hai tujhse mera
mein khud nai jaanti kyun rehta hai har pal khayal tera,
Kyun sab se teri baatein hum aam karne lage hain
yun lagne laga hai shayad hum tujhse pyaar karne lage hain.

Aa Mere Paas.....

Aa mere paas bataun ki pyaar kya hai
dhadkane ginn toh bataun intezar kya hai,
Tarasti hain aankhein deedar ko teri
inn aankhon mein jhaank toh bataun khwaab kya hai,
Hum yun hee nahi kehte ki pyaar hai tujhse
kabhi bharosa todkar dekh mera tujh par aitbaar kya hai.

In The Gleaming.....

In the gleaming night of stars i wish may all your dreams come true
in the depth of my heart rests a feeling i wish i could ever tell you,
Holding your hand and walking by your side sitting with you and talking overnight
in the midst of the fun, tears and smiles i also remember our cute little fights,
Years have passed gifting me the memories which are still fresh as morning dew
and with every passing time i strongly realise how much i truely love you.

Yun Duriyan Banakar.....

Yun duriyan banakar kyun pyar ka imtehan lete ho
hamari mohabbat par shakk kar ke kyun roz ek naya zakhm dete ho,
Aitbaar nahi hai agar aapko hamari mohabbat par
toh kyun chupke se aakar hamari aankhon mein apna khwaab dete ho.

Kal Chaudhvi Ka.....

Kal chaudhvi ka chaand sitaron ke paas tha
manzar haseen tha magar dil udaas tha
Kabhi hum bhi the apni mohabbat ke paas
woh manzar hee humare liye kuch khaas tha
Dil mein sukun tha meetha sa ehsaas tha
lab sada muskurate the kyunki humein unse pyar tha
Hum batana chahte the unhe ki hum kya mehsus karte hain
tabhi unhone kaha ki woh kisi aur se pyar karte hain
Hum muskura kar unki khushi mein shaamil ho gaye
hamari nazron ke saamne hee woh kisi aur ke ho gaye.

Rehte Hain Jab.....

Rehte hain jab tanha tab bhi zikr
tera hee karte hain
Mehfil mein bhi rehkar har pal deedar
tera hee karte hain,
Dil ke aaine mein jhaankar dekh lena kabhi
chehra apna hee paaoge
Zindagi manzil ke rukh mod bhi de toh kya
har safar mein humein sath hee paaoge.

Ek Shakhs se.....

Ek shakhs se zindagi kuch iss kadar jud gai
dur hote hue bhi usse nazdikiyan badh gai
Har pal rehta hai aankhon mein uska hee chehra
har khayal par hota hai ab uska hee pehra
Kehti hai duniya iss ehsaas ko pyar par
pyar se hee milne ke liye kyun karna padta hai intezar?

Rakhte Hain Jo.....

Rakhte hain jo auron ke liye pyar ka jazba
woh log kabhi tutkar bikhra nahi karte
Zaruri nahi ki mile pyar ke badle pyar
par issay ek tarfa rishte maraa nahi karte
Rishton ko rakhte hain zinda jo ehsas
woh ehsas hum aj bhi mehsus karte hain
Nahi karte woh mohabbat humse
par hum aj bhi unse pyar karte hain.

Aapki Masoom Nigahon.....

Aapki masoom nigahon ki chahat ki kasam
dil ne kya ruh ne bhi aapse mohabbat ki hai
Chhod dia aapne beech raah mein humein
kaho jo is dil ne kabhi aapse shikayat ki hai
Hum toh is sukun mein hee jeete aaye ki
ek pal ko hee sahi aapne humse sachi mohabbat ki hai
Par woh sukun bhi chhinn gaya jab jana ki
aapne toh humse shararat ki hai.

Gira Jo Kabhi.....

Gira jo kabhi teri aankh se aansu
wada hai hum usse thaam lenge
Paunchhkar tere un aansuon ko tere labon ko
ek meethi si muskurahat denge,
Rakhte hain chahat tujhe hamesha khush
dekhne ki gham ne jo di kabhi dastak tere dar par
wahan apni duaon ka pehra laga denge.

Ulfat Ka Aksar.....

Ulfat ka aksar yehi anzaam hota hai
dil mein pyar aur aankhon mein intezar hota hai,
Kehte hain jis ehsaas ko mohabbat
ho jaye jisse wahi barbaad hota hai.

Hum Ne Jana.....

Hum ne jana hee nahi ki kab
unse rishta mohabbat ka ban gaya
hum toh dosti nibha rahe the jane kab
afsana pyar ka ban gaya,
Poochhne par muskura kar humne
apne ehsas ko unse chhupa liya
par woh bhi shayad karte the mohabbat
humse isliye is raaz ko pehchan liya.

Love Is Not.....

Love is not an attraction
and its even not a kiss,
it is the pain you get
when someone you really miss.

Hum Chah Kar.....

Hum chah kar bhi apne ehsaas ko zuban nahi de paate hain
woh poochhte hain humse aur hum iqraar nahi kar paate hain,
Log aksar apni mohabbat ko lafzon se jatate hain
par hum toh khamoshi se hee apne pyar ko nibhate hain.

Zindagi Beshak Raahein.....

Zindagi beshak raahein badal de
waqt beshak milne se mehrum rakhe,
Par hamari yadon se talluk hamesha banaye rakhna
dil ki kisi dhadkan mein humein bhi basaye rakhna.